Dagur 1 og 2 í Köpen/Aþena

Sko...Við vorum fjótar að finna það út að sitja á Saga Lounch var okkur til framdráttar þar sem við höfðum ótakmarkaðan aðgang að flatkökum og bjór (kannski smá gin til að róa taugar). Þegar við vorum lentar gekk allt sinn vanagang  og fengum við okkar farangur fyrr en samt síðar.  Borðað var á hinu „glæsilega“ hlaðborði um kvöldið og haldið til rekkju. Þar sem við vissum að þetta yrði síðasta kvöldið sem við myndum sofa einar var það „nýtt“ vel. Á mánudagsmorgunin vorum við komnar í morgunverðarhlaðborðið fyrr en allir hefðu veðjað á og skóflað var í sig fyrir allann peninginn. Þegar við innritunar borðið á vellinum var komið náði röðin þá þegar frá Hlíðarenda og niður að Hlemmi. Ekki létum við það hafa áhrif á okkar jafnaðargeð og stóðum þar eins og beljur að bíða mjólkunnar (eða annað). Aftur á móti þegar afgreiðslukonun sagði okkur að við værum að fljúga með Cargo flugi Air Greenland þá runnu á okkur tvær grímur og vissum við ekki hvor okkar myndi lenda í því að deila ísbjarnasætinu. Við vitum núna hvað það þýðir að „sel-flytja“ eitthvað. Þetta var samt ekki sem verst. Fengum allt annað en selspik í matinn en Guðrún komst að því í flugtaki að hún hafið týnt símanum sínum og þá hófst panic sem endaði þannig að hún fékk tillkynningu um að síminn væri á góðum stað í Köpen (kanski samantekið ráð til að minnka símakostnaðinn?). Leigubíl var svo úthlutað af handahófi og ekki unnum við í þeim úttrætti þar sem að maðurinn var ekki talandi á ensku né hafði hann nokkra þekkingu á gatnakerfi Aþenu. Hann stimplaði eitthvað inn í hið blessaða GPS tæki sitt sem gerði bara eitt og það var að finna „STYSTU LEIГ en alls ekki hagkvæmustu leið.  Þegar við vorum búnar að sitja í bílnum í klukkutíma og korter ( sem á að taka korter ) þá var leigubílstjórinn farinn að ÖSKRA á GPS tækið og við í panic í aftur sætinu. Á endanum sættist hann við tækið og þau komu okkur saman á leiðarenda. Þegar svo á herbergið var komið þá kom það svo skemmtilega í ljós að við í MBS –teyminu  eigum að „þéttast „ svo svakaleg að þeir útveguðu okkur eitt rúm og EINA SÆNG... látum ykkur vita á morgun hvernig til tókst J

Athugasemdir

[Stella (IP-tala skráð) 2.10.2007 kl. 09:42]

HAHAHAHAHAHAHAHA... en hressandi... þetta er orðin hin besta ævintýraferð og hún er bara rétt nýbyrjuð.... góða skemmtun og gangi þér vel !