Hið rétta eðli verkalýðsins

Ég sem sitjandi stjórnarmaður í VR er alveg nóg boði!

Staðreyndin er sú að Ásta Rut var ekki kosinn með löglegum hætti sem nýr varaformaður þar sem fundartíminn var liðinn og nokkrir stjórnarmenn farnir af fundinum. Einnig var það ekki auglýst sem liður á stjórnarfundinum. Þetta var allt fyrirfram ákveðið og hið rétta eðli VR (leynifélagsins) kom svo sannarlega í ljós þarna. Bjarki hefur verið til fyrirmyndar í að berjast fyrir hinum almenna félagsmanni í VR. Ég hvet VR-inga að standa upp og mótmæla þessu.

Hvar hefur Ásta Rut verið? Hún sem var formaður hagsmunasamtaka heimilanna og talsmaður þess að afnema meðal annars verðtrygginguna. Ekki hef ég séð hana á Austurvelli eða látið í sér heyra með félagsmönnum sínum í hagsmunasamtökunum eða fyrir félagsmenn VR. Þetta er svo hin nýji varaformaður VR!!!!

Lýsa yfir vantrausti á varaformann VR

Athugasemdir

[VR félagi (IP-tala skráð) 16.12.2009 kl. 14:55]

Mjög áhugavert að heyra þetta ! 

Ég var að senda "comment" á annað blog áðan en þar lýsti ég yfir:

Ekki fékk forystugrein formanns háa einkunn í síðasta VR blaði.

Það var skelfilegt að lesa álit formanns á því hversu mikið stjórnvöld hefðu gert til að mæta skuldavanda heimilana.  Alegerlega úr takti við þær staðreyndir sem blasa við hvarvetna í samfélaginu.  Hverra hagsmuna gætir formaður með slíkri yfirlýsingu ?  Þetta var eins og blaut tuska framan í andlit stórs hóps VR félaga sem á það eitt víst að geta treyst á stuðning síns félags í baráttu sinni fyrir nothæfum lausnum í leiðréttingu lána. 

VR forystan fær ekki háa einkunn en Bjarki stendur fyrir sínu.

Ég stend fyllilega með ykkur.

[Halldór Halldórsson, 16.12.2009 kl. 15:01]

Ég hef alla tíð verið viss um að nokkrir þeirra sem kosnir voru síðast í stjórn VR, höfðu aldrei minnsta áhuga á velferð félagsins né félagsmanna, heldur voru og eru á einkaflippi á móti öllu og öllum.  Eina breytingin sem hefur orðið, er að nú greiðum við þessu fólki stjórnarlaun fyrir flippið.  Þessu liði var tíðrætt um lýðræðishalla innan VR og sísetu fólks í trúnaðarstöðum.  Ég leyfði mér því að senda spurningu um hvort þetta fólk myndi ekki bera áframhaldandi stjórnasetu sína undir atkvæði félagsmanna í kosningum, þótt liðinn væri aðeins helmingur kjörtímabils þess.  Ég hef ekki fengið svör!

[Axel Jóhann Axelsson, 16.12.2009 kl. 15:09]

Stjórnarfundirnir hjá VR hljóta að vera fjörugir, miðað við þessar pillur á samstjórnarmennina.

[sæmundur (IP-tala skráð) 16.12.2009 kl. 15:36]

Þegar að forstjóri Heklu boðaði á starfsmannafundi í nóvember s.l. að Hekla ætlaðist til þess að starfsfólk félli frá lögbundinni kauphækkun þá mótmælti

Bjarki því ekki eða kom því á framfæri við fjölmiðla Hvar voru heilindin hans þá

[Guðrún Jóhanna Ólafsdóttir, 16.12.2009 kl. 16:38]

Sæll Sæmundur! Mér skildist á Bjarka að hann hafi sjálfur persónulega hafnað hækkunni til að koma á móts við fyrirtækið og reynt með því að koma í veg fyrir uppsagnir. Hann hafi aldrei hvatt þá sem þurfa á launahækkun á að halda að hafna henni.

[sæmundur (IP-tala skráð) 16.12.2009 kl. 16:52]

Þetta voru samningar sem VR og önnur aðildarfélög gerðu við atvinnurekendur .  Hlutverk stjórna og trúnaðarráða Verkalýðsfelaga er að standa vörð um gerða samninga og leita leiða til að bæta kjör ef að varaformaður VR gengur á undan hvaða skilaboð eru það

fór Bjarki fram á að stjórnendur Heklu við við golfferðir til florida eða lækkuðu laun sín ?

[félagsmaður í VR (IP-tala skráð) 16.12.2009 kl. 20:52]

Maður hlýtur að spyrja sig hvort barátta þessara nýju stóryrtu stjórnarmanna sé að skila sér í aukinni aðild háskólamenntaðra VR'inga að stéttarfélagi háskólamenntaðra. Sjálfur hef ég íhugað það og veit um nokkra sem þegar hafa flutt sig yfir.

[Jóhannes Ragnarsson, 16.12.2009 kl. 23:03]

Það er ekki úr vegi, að spyrja háttvirtan ,,félagsmann í VR" hvort honum finnist að háskólamenntað fólk eigi einhverja samleið með láglaunafólkinu í VR.

[Guðrún Jóhanna Ólafsdóttir, 16.12.2009 kl. 23:49]

Ég hef ekki lagt í vana minn að stéttaskipta fólki vegna menntun. Allir félagsmenn VR eru jafnir í mínum huga. Ef hin ágæti félagsmaður VR er að horfa í félagsgjöldin þá vil ég benda á að margir háskólamenntaðir einstaklingar eru atvinnulausir í dag.

[Jórunn Sigþórsdóttir (IP-tala skráð) 17.12.2009 kl. 09:51]

Sæll Jóhannes, er að virkilega þín skoðun að það sé VR fyrir bestu að háskólamenntaðir félagsmenn færi sig yfir til Bandalags háskólamanna? Ég er nú frekar á því að það sé styrkur VR að félagið er félag verslunar- og skrifstofufólks hvort sem það er menntað til starfa eða ekki. Stétt með stétt.

Guðrún, mér finnst þessi hroki ykkar hinna nýju óreyndu stjórnarmanna ekki vera félaginu til tekna. Þvert á móti er reynsluleysi ykkar í félagsmálum að valda félaginu meiri skaða en gagni.

[Jóhannes Ragnarsson, 17.12.2009 kl. 11:34]

Það er svo sem ekki mín skoðun, að það sé VR fyrir bestu að háskólamenntaðir félagsmenn færi sig yfir í Bandalag háskólamanna. En ég tel samt nauðsynlegt, að fólk velti því fyrir sér, eins og öðru sem við kemur skipulagi launþegahreyfingarinnar.

Aftur a móti hafna ég slagorðinu ,,stétt með stétt," af þeirri einföldu ástæðu að innihald þess eru skilaboð til láglaunafólks um að halda sér á mottunni og vera ánægt með lágu launin sín þrátt fyrir að þau dugi engan veginn til sómasamlegrar framfærslu. Og hvort sem okkur líkar betur eða ver, þá er þjóðfélagið okkar verulega stéttaskipt og lengra milli stétta en margan grunar.

Þá er ég ekki sammála Jórunni Sigþórsdóttur í því, að hinir nýju ,,óreyndu" stjórnarmenn í VR séu hrokafullir. Mér finnst þau fyrst og fremst hugrökk og dugandi með hjartað og réttlætistilfinninguna á réttum stað. Ég geri mér fullkomlega grein fyrir, að það er ekkert gamanmál og ekki heiglum hent, að standa uppí hárinu á og berjast við þann illskeytta og forherta hóp, sem ræður lögum og lofum í almennu verkalýðshreyfingunni og virðist líta á hana sem sitt eigið fyrirtæki.

Það hafa fleiri en Bjarki fengið að finna fyrir því hjá þessu spillingarhyski uppá síðkastið og er þá skemmst að minnast þegar Aðalsteini Baldurssyni var ýtt til hliðar í Starfsgreinafélaginu. Í aðförinni að Aðalsteini fóru fremstir í flokki Kristján í Keflavík, Skúli Thor, sá svefndrukkni í Eflingu, Gvendur í Rafiðnaðarsambandinu og Gylfi Arnbjörnsson forseti ASÍ. Og það var einmitt þessi fénaður sem stóð að baki meirhluta stjórnar VR í aðförinni að Bjarka.